Deputeti demokrat, Tritan Shehu ka njoftuar në Facebook largimin nga jeta të aktorit dhe regjisorit të njohur shqiptar, Bernard Kokalari.
Në mesazhin e tij, Shehu theksoi kontributin e veçantë të Kokalarit në artin shqiptar dhe vlerën që ai përfaqësonte për qytetin e tij të lindjes, Gjirokastrën.
“Arti shqiptar humb një vlerë të spikatur të tij,” shkroi Shehu, duke nënvizuar rolin e Kokalarit si një qytetar i nderuar, një familjar i dashur dhe një kontribues i madh në fushën e artit.
Ai shprehu ngushëllimet e tij të sinqerta për familjen, kolegët dhe të gjithë ata që ndjejnë këtë humbje.
Kokalari do të mbahet mend si një emër i rëndësishëm në historinë e artit dhe teatrit shqiptar,
i cili la pas një trashëgimi të çmuar për komunitetin artistik dhe qytetarët. Ngushëllime për familjen dhe miqtë e tij.
